Recorda: este domingo 27, viaxe reivindicativa a Betanzos e manifestación!

Este domingo, 27 de outubro, chamamos a participar dunha viaxe reinvindicativa a Betanzos.

Sairemos no tren das 11:00 h, desde a estación de San Cristovo (na Coruña). Tamén podes apañar o tren nas estacións de Elviña, O Burgo, Cambre e Cecebre.

A chegada está prevista para as 11:36 h na estación de Betanzos-Cidade, desde onde nos manifestaremos até a Praza do Campo, onde faremos un acto reivindicativo.
(A volta poderase facer no tren que sae ás 14:50 h de Betanzos)

O tren é do pobo porque fomos nós os que o creamos e mantivemos, e ninguén ten dereito a arrebatarnos o que nos pertence!

 

Aquí podes ler a voandeira coa que chamamos a participar: folleto betanzos

Advertisements

Viaxe reivindicativa a Betanzos e manifestación!

O próximo domingo 27 chamamos a participar dunha viaxe reinvindicativa a Betanzos.

Desde a Plataforma rexeitamos os recortes en materia ferroviaria, así coma a destrución e precarización de empregos no sector. Queremos un tren de proximidade que reduza o uso de vehículos privados!

Sairemos no tren das 11:00 h, desde a estación de San Cristovo (na Coruña).

A chegada está prevista para as 11:36 h na estación de Betanzos-Cidade, desde onde nos manifestaremos até a Praza do Campo, onde faremos un acto reivindicativo.
(A volta á Coruña poderase facer no tren que sae ás 14:50 h de Betanzos)

O tren é do pobo porque fomos nós os que o creamos e mantivemos, e ninguén ten dereito a arrebatarnos o que nos pertence!

Cartaz Betanzos

Concentración da Plataforma na Praza de María Pita

No día de onte tivo lugar, na Praza de María Pita, unha concentración da Plataforma para denunciarmos a campaña propagandística do Concello da Coruña durante a celebración da Semana Europea da Mobilidade.

Reivindicamos un tren de proximidade para unir a cidade e a área metropólitana fronte á aposta do Concello polo transporte privado.

Imaxe
(Fotografía vía Opinión A Coruña)

Aquí podes ler o noso posicionamento: volantina pmus a4

Concentración para denunciar o plan de mobilidade do concello da Coruña!

Este sábado, 21 de setembro, ás 13:20 h na praza de María Pita concentrarémonos contra a campaña propagandística do Concello da Coruña con motivo da Semana da Mobilidade.
O Goberno de Negreira evitou apoiar calquera iniciativa a prol do tren de proximidade ou da utilización da Estación de S. Diego, entre outras medidas contrarias á mobilidade sostíbel que presume defender.

Acode á concentración para denunciar as mentiras do plan de mobilidade!
Por un ferrocarril público e social!

 

pmusa3